Сервис
администрациясы: «Менин шаарым» мобилдик тиркемесиндеги «Бекет» сервиси
1. Келишимдин
преамбуласы
«Менин шаарым»
мобилдик тиркемесиндеги «Бекет» сервисин колдонуудан мурун, Кыргыз
Республикасынын Жарандык кодексинин 398-статьясына ылайык иштелип чыккан ушул коомдук
оферта келишиминин (мындан ары — «Келишим») шарттары менен кылдат таанышып
чыгууңузду өтүнөбүз.
Ушул Келишим
сервисти колдонуу шарттарын аныктайт жана
көрсөтүлүүчү Кызматтар, алардын
көрсөтүлүү тартиби жана мүмкүн болгон
чектөөлөр тууралуу маанилүү маалыматты камтыйт.
Сервисти колдонуу
менен сиз ушул Келишимдин шарттары менен таанышкандыгыңызды, аларды
түшүнгөндүгүңүздү жана толук
кабыл алгандыгыңызды ырастайсыз. Сервисти ар бир колдонгондо Келишим
шарттарындагы өзгөрүүлөрдү өз
алдыңыза көзөмөлдөп туруу милдетиңиз болуп
саналат.
Ушул Келишимдин
шарттары менен макул болбосоңуз, сервисти колдонууну дароо токтотуу
милдетиңиз.
2. Терминдер
жана аныктамалар
«Менин шаарым»
мобилдик тиркемесиндеги «Бекет» сервисинин администрациясы — «Менин шаарым»
мобилдик тиркемесинин курамында иштеген автобус билеттерин электрондук сатуу
«Бекет» сервисинин администратору. Ушул сервис өзүнчө
юридикалык жак, компания же өзүнчө мобилдик тиркеме болуп
саналбайт.
Автобус —
жүргүнчүлөрдү жана багажды ташууга арналган,
айдоочунун орундуктарын кошпогондо, сегизден ашык олтуруу орундары бар автоунаа;
Пайдалануучу —
билет издөө, брондоо жана сатып алуу үчүн «Менин
шаарым» мобилдик тиркемесин колдонгон адам.
Ташуучу —
жүргүнчүлөрдү иш жүзүндө
ташуучу уюм/ЖК.
Маршрут —
автобустун жүрүш жолу, жөнөө жана
жетүү пункттары менен.
Билет — жол
жүрүүгө укукту ырастоочу электрондук же башка документ
(QR/штрих-код кошкондо).
Буйрутма — «Менин
шаарым» мобилдик тиркемесиндеги «Бекет» сервиси аркылуу уникалдуу идентификатор
менен рейске орун (билет) брондоо.
Жүргүнчү
— келишим же башка мыйзамдуу негизде ташуучунун кызматтарын жана станция
курулмаларын пайдаланган жеке адам;
Кол жүк —
автобустун, таксинин салонунда ташууга
мүмкүнчүлүктөрү, ченеми жана салмагы боюнча
тыюу салынбаган, жүргүнчүнүн жеке жоопкерчилигинде
ташылуучу буюмдар же мүлк;
«Бекет» сервиси —
«Менин шаарым» мобилдик тиркемесинин курамында иштеген, Кыргыз Республикасынын
мыйзамдарына ылайык катталган автобус билеттерин электрондук сатуу сервиси.
Сервис администрациясы сервисти администрациялайт жана техникалык тейлейт,
ошондой эле ушул Келишим алкагында укуктар менен милдеттерге ээ. «Бекет»
сервиси өзүнчө мобилдик тиркеме болуп саналбайт, «Менин
шаарым» мобилдик тиркемесине орнотулган функционалдык модуль болуп саналат.
«Сиз», «Кардар»,
«Пайдалануучу», «Сатып алуучу», «Жүргүнчү» — тиешелүү
Кызмат көрсөтүүчү/Ташуучу менен ушул Келишимдин
жана/же кызмат көрсөтүү келишиминин тарабы болуп
саналган, ушул Келишимдин шарттарына ылайык сервисти колдонуучу же Брондоону
жүзөгө ашыруучу жеке адам. Бир эле адам бир убакта бир нече
аталган статуста чыга алат.
«Офертаны
акцептилөө» — Кыргыз Республикасынын Жарандык кодексинин
398–399-статьяларына ылайык Пайдалануучу тарабынан ушул Келишимдин шарттарын
төмөнкү аракеттердин бирин же бир нечесин аткаруу жолу менен
кабыл алуу:
— сервисти
колдонуудан улантуу;
— Брондоону
таризмелөө;
— Колдоо
кызматына суроо-талап жиберүү.
Офертаны
акцептилөө Пайдалануучу тарабынан ушул Келишимдин шарттарын эч
кандай өзгөчөлүктөр же
чектөөлөрсүз толук, шартсыз жана сөзсүз
кабыл алганын билдирет.
Офертаны
акцептилеген учурдан тартып ушул Келишим түзүлдү деп
эсептелет, ал эми анын шарттары Кыргыз Республикасынын мыйзамдарына ылайык
тараптар үчүн аткарылууга милдеттүү болуп саналат.
3. Баасы,
төлөм жана сервис акысы
3.1. Билеттин
баасы «Бекет» сервисинде сомдо (KGS) көрсөтүлгөн жана
таризмелөөдө көрсөтүлгөн рейстеги
орундун наркын жана башка колдонулуучу акыларды камтыйт.
3.2. Сервис
акысы: мобилдик тиркеме аркылуу сатып алууда сервис акысы (сервис комиссиясы)
алынат. Сервис акысынын өлчөмү жана аны эсептөө
тартиби Буйрутманы таризмелөөдө төлөмдү
ырастоодон мурун Пайдалануучуга көрсөтүлөт жана
чекте/электрондук билетте өзүнчө сапта жазылат. Сервис акысы
брондоо системасын тейлөө, төлөмдөрдү
иштетүү жана билдирмелөө чыгымдарын жабат.
Үчүнчү
тараптын сервистери, агрегаторлор, төлөм платформалары же
өнөктөш тиркемелер аркылуу билет сатып алууда мындай
үчүнчү тараптар тарабынан өз алдыларынча белгиленген
башка өлчөмдөрдөгү сервис акылары, комиссиялар
жана кошумча төлөмдөр колдонулушу мүмкүн. «Бекет»
сервиси үчүнчү тараптын сервистери тарабынан алынган
комиссиялардын өлчөмү, эсептелиши жана алынышы
үчүн жоопкерчиликти тартпайт.
3.3.
Төлөм мобилдик тиркемедеги жеткиликтүү жолдор менен
жүргүзүлөт (банк картасы менен
онлайн-төлөм, үчүнчү тараптын төлөм
системалары ж.б.). Сервис үчүнчү тараптын төлөм
провайдерлеринин иши үчүн жоопкерчиликти тартпайт.
4. «Бекет»
сервисинин жоопкерчилиги жана милдеттери
4.1. Сервистин
милдеттери: Буйрутмаларды таризмелөөгө
мүмкүнчүлүк берүү, рейстер тууралуу
маалымат берүү, билдирмелер жөнөтүү,
техникалык колдоону камсыз кылуу.
4.2. Тараптар
Кыргыз Республикасынын мыйзамдарына ылайык жоопкерчилик тартат.
4.3. Сервис
үзгүлтүктөрдөн, төлөм системаларынын
каталарынан жана үчүнчү тараптардын аракеттеринен келип
чыккан чыгымдар үчүн жоопкерчиликти тартпайт.
4.4. Сервис
ташуучу болуп саналбайт жана ташуунун сапаты, кечиктирүүлөр
же ташуучуга тиешелүү башка маселелер үчүн
жоопкерчиликти тартпайт.
4.5. Айып болгон
учурларда Сервистин жоопкерчилиги мыйзам менен түздөн-түз
каралган учурлардан тышкары, колдонуудагы мыйзамда каралган чектерде чектелет.
5.
Жүргүнчүлөрдүн укуктары, милдеттери жана
жоопкерчилиги
5.1.
Жүргүнчүнүн милдеттери.
Ташуу кызматтарын
пайдаланууда Жүргүнчү:
— белгиленген
токтоо пункттарында отурат жана түшөт: шаарлар аралык жана эл
аралык маршруттарда — расписаниеде каралган автовокзалдарда/автостанцияларда
жана токтоолорда;
— жол
жүрүү акысын, ошондой эле багаж жана кол жүк акысын
(зарыл болгондо) төлөп, тиешелүү билетти алат;
— сапардын аягына
чейин билетти сактайт жана контролер, айдоочу же автовокзал кызматкерлеринин
талабы боюнча, анын ичинде QR-код менен электрондук билет
түрүндө да көрсөтөт;
— автобустагы
орунду билетте көрсөтүлгөн номерге ылайык ээлейт;
— маршруттун
акыркы пунктуна жеткенде автобустун салонун өз убагында бошотот;
— билет
белгиленген күнгө, убакытка жана рейске гана жарактуу экенин эске
алат;
— унутулган
буюмдар, документтер же башка баалуулуктар табылган учурда аларды дароо
айдоочуга же автовокзалдын өкүлүнө тапшырат.
5.2.
Жүргүнчүнүн жоопкерчилиги
Автобустарды жана
жеңил такси автомобилдерин пайдаланууда жүргүнчү:
— шаардык
маршруттарда автобуска белгиленген токтоо пункттарынан гана минет жана чыгат,
шаарлар аралык жана эл аралык маршруттарда — автовокзалдардан жана
автостанциялардан жана маршруттун кыймыл расписаниелери менен белгиленген
токтоо пункттарынан гана;
— жол
жүрүү жана багаж менен кол жүк акысын
төлөп, тиешелүү билеттерди алат;
— автобус жана
жол жүрүү билеттерин сапардын аягына чейин сактап,
контролерлердин, айдоочулардын (ээлеринин) жана станция курулмаларынын кызматкерлеринин
биринчи талабы боюнча көрсөтөт;
— маршруттун
акыркы аялдамасына жеткенде автобустун салонун бошотот;
— сатылган
билетте көрсөтүлгөн номерге ылайык автобустагы орунду
ээлейт;
— жол
жүрүү билети ага жазылган күнгө жана автобус
рейсине гана жарактуу экенин билет, аны башка адамдарга
берүүгө тыюу салынат;
— автобустун
салонунда унутулган жана табылган буюмдар, документтер, акчалар жана башка
баалуулуктар табылган учурда аларды айдоочуга же станциянын диспетчерине
тапшырат.
Автобустардын,
такси автомобилдеринин жабдыктарын бузгандыгы үчүн
күнөөлүү жактардан белгиленген тартипте зыяндын
наркы өндүрүп алынат. Бузулуунун мүнөзү
тууралуу акт түзүлөт.
Автобустун багаж
бөлүмүндө жана жеңил такси автомобилинин
багажникинде ташылган багаж ташуучунун күнөөсү боюнча
жоголгон же бузулган учурда, жүргүнчүнүн талабы боюнча
автомобилдин айдоочусу (ээси) менен биргеликте акт түзүлөт.
Акттын бир нускасы жүргүнчүгө тапшырылат.
Жүргүнчү
транспортту пайдалануу эрежелерин сактоо үчүн жоопкерчилик тартат.
6. Багаж жана
даттануу тартиби
6.1. Багаждын
жоголушу же бузулушу менен байланышкан даттанмалар тиешелүү окуя
болгон күндөн тартып 1 (бир) ай ичинде ташуучуга берилет.
6.2. Ташуучу
даттанманы карап чыгып, аны алган учурдан тартып 1 (бир) ай ичинде
Жүргүнчүгө карап чыгуунун натыйжалары тууралуу
кабарлоого милдеттүү.
6.3. Автобустун
багаж бөлүмүндө жана жеңил такси автомобилинин
багажникинде ташылган багаж менен кол жүктүн сакталышы
үчүн жоопкерчилик, эгер ал багаж менен кол жүктүн
жоголушу, жетишпестиги же бузулушу өзүнүн
күнөөсү боюнча болбогондугун далилдебесе, автобус же
такси ага таандык болгон ташуучуга же ээсине жүктөлөт.
6.4. Автобустун
жана такси автомобилинин салонунда ташылган багаж менен кол жүктүн
сакталышы үчүн жоопкерчиликти жүргүнчүнүн
өзү тартат.
Даттанманы
кандайдыр бир канааттандыруудан баш тартылган же жооп алынбаган учурда талаш
Кыргыз Республикасынын мыйзамдарында белгиленген тартипте
чечилүүгө тийиш.
6.5. Багаж жана
кол жүктү ташуу. Жүргүнчү автобустарда жана
жеңил такси автомобилдеринде акы менен багаж ташууга укуктуу. Багаж
бөлүмдөрү бар маршруттук автобустарда бир
жүргүнчүгө үчтөн ашык эмес багаж жайын
ташууга, багаж бөлүмдөрү жок автобустарда — эки жайдан
ашык эмес ташууга жол берилет. Багаж акысы ташуучу тарабынан белгиленет.
Багаждын бир
жайынын ченеми 100×50×30 смден ашпоого тийиш. Бул учурда жактардын
өзүнчө ченемдерин ашыруу, үч өлчөмдүн
суммасы 180 смден ашпаган жана багаждын бир жайынын салмагы 40 кгдан ашпаган
шартта жол берилет.
Багаж ташуунун
акысы ташуучу тарабынан белгиленет жана багаждын салмагына же ченемине жараша
аныкталышы мүмкүн. Төлөмдүн ырастоосу багаж
билети болуп саналат.
Жүргүнчүгө
60×40×20 см өлчөмүндөгү бир жай кол
жүктү жана салмагы 20 кгга чейинкини акысыз ташуусуна уруксат
берилет.
Кичи
сыйымдуулуктагы автобустарда салмагы 20 кгдан ашпаган багажды жана салмагы 10
кгдан ашпаган кол жүктү ташуусуна жол берилет, бул учурда ченеми
60×40×20 смден ашпоого тийиш.
7. Электрондук
билеттерге буйрутма таризмелөө.
Электрондук
билеттерге буйрутма таризмелөө үчүн Пайдалануучу
төмөнкү аракеттерди аткарышы керек:
—
жөнөө күнүн, маршрутту, жөнөө
убактысын тандайт, ошондой эле жүргүнчүлөрдүн
санын (чоңдор жана балдар) көрсөтөт;
— ылайыктуу
рейсти тандап, автобустагы орундарды тандоо терезесине өтөт;
— орундарды
тандагандан кийин, зарыл болгондо тандалган орундарды
өзгөртүүгө
мүмкүнчүлүгү бар билет таризмелөө
этабына өтөт;
— байланыш
маалыматтарын киргизет, анын ичинде электрондук почта дарегин жана телефон
номерин.
«Билет
тариздетүү» баскычын баскандан кийин,
көрсөтүлгөн электрондук почта дарегине электрондук
билети бар билдирме жөнөтүлөт.
Буйрутманы
таризмелөө аяктагандан кийин сактап коюу сунушталган электрондук
чек түзүлөт. Аталган чек (ошондой эле билет) автобуска отуруп
жатканда, ошондой эле билетти кайтарууда же талашылуучу жагдайларды
чечүүдө талап кылынышы мүмкүн.
Пайдалануучу
жүргүнчүлөрдүн жеке маалыматтары жана сапар
параметрлерин кошкондо, көрсөтүлгөн маалыматтардын
тууралыгы үчүн толук жоопкерчиликти тартат. Туура эмес маалымат
берилген учурда Сервистин администрациясы кызматты
көрсөтүүнүн мүмкүн болбогондугу
үчүн жоопкерчиликти тартпайт.
7.1. Буйрутманы
сатып алуу мөөнөтү. Буйрутманы сатып алуу
мөөнөтү аны таризмелөө учурунда автоматтык
түрдө аныкталат жана брондоодо көрсөтүлөт.
Аталган мөөнөт белгиленген болуп саналат жана буйрутма
түзүлгөндөн кийин
өзгөртүүгө жатпайт.
Тандалган
орундарды брондоо Пайдалануучу үчүн буйрутманы таризмелеген учурдан
тартып 10 (он) мүнөт ичинде сакталат.
Буйрутма
белгиленген убакта төлөнбөсө, брондоо автоматтык
түрдө жокко чыгарылат, ал эми тандалган орундар башка
Пайдалануучулар тарабынан брондоо үчүн жеткиликтүү
болуп калат.
Пайдалануучу
сатып алуу мөөнөтүн өз алдыңча
көзөмөлдөп, буйрутманы өз убагында
төлөп чыгышка милдеттүү.
7.2. Электрондук
билеттер буйрутмасын сатып алуу. Буйрутма үчүн төлөм
Сервис тарабынан жеткиликтүү жолдор менен жүзөгө
ашырылат.
Үчүнчү
тараптын төлөм сервистери, банктар же башка төлөм
системаларын колдонуп буйрутма үчүн
төлөгөндө, мындай уюмдар тарабынан кошумча комиссия
алынышы мүмкүн, анын өлчөмү тиешелүү тарап
тарабынан аныкталат жана Компаниядан көз каранды эмес.
Төлөмдү
жүзөгө ашыргандан кийин Пайдалануучу
төлөмдүн ийгиликтүү
өтүлгөнүн, ошондой эле төлөмдүн
ырастоосун (электрондук билет жана/же чек) алганын өз алдынча
текшерүүгө милдеттүү.
Белгиленген убакта
төлөм кабыл алынбаган учурда буйрутма сатып алынбаган деп эсептелет
жана ушул Келишимде каралган тартипте жокко чыгарылат.
8. Электрондук
билеттер боюнча автобуска отуруу
Жүргүнчүлөрдү
автобуска отурутуу, адатта, жөнөөгө 10–15
мүнөт калганда башталат жана электрондук билетте
көрсөтүлгөн жөнөө учурунда аяктайт.
Компаниядан же автовокзалдан көз каранды эмес айрым учурларда
(техникалык, аба ырайы жана башка жагдайларды кошкондо) отурутуунун башталуу
жана аяктоо убактысы өзгөртүлүшү
мүмкүн.
Жүргүнчү
жөнөө жерине алдын ала келүүгө
милдеттүү. Кечигип же отурутууга келбей калган учурда Ташуучу же
автовокзал билетти жокко чыгаруу жана бош орунду башка
жүргүнчүгө сатуу укугуна ээ.
Отурутуу
электрондук билетте көрсөтүлгөн жөнөө
пунктунда гана жүзөгө ашырылат. Аралык токтоо пункттарынан
отурутуу мындай мүмкүнчүлүк билетте түз жазылган
учурда гана жол берилет.
Отурууда ар бир
жүргүнчү:
— жеке таануу
документин (паспорт же башка документ);
— контролер
тарабынан сканерлөө үчүн QR-кодсуз электрондук билетти
(электрондук же басылган түрдө)
көрсөтүүгө милдеттүү.
Контролер
жүргүнчүнүн маалыматтарын жеке таануу документин
системада жана/же отурутуу ведомостунда көрсөтүлгөн
маалыматтар менен салыштыруу, ошондой эле билеттин QR-кодун
сканерлөө жолу менен текшерет.
Өзгөчө
аз сыйымдуулуктагы автобустар менен тейленүүчү маршруттарда
жол жүрүүнүн эрежелеринин талаптарын бузбастан,
жүргүнчүлөрдүн талабы боюнча
түшүрүү жүргүзүлөт.
Жүргүнчүлөр
билеттерде көрсөтүлгөн орундарды ээлейт.
Шаарлар аралык
маршруттарда автобустарды жалпы сыйымдуулуктун 30% дан азына
жүктөлгөн учурда, станция курулмаларына укук берилет:
— автобусту бир
саатка чейин кечиктирүүгө, ал убакыт
өткөндөн кийин автобус жүктөлүп жатса да,
рейске жиберилет;
— аралар
арасындагы кыймыл интервалы эки сааттан ашпаса, рейстерди
бириктирүүгө;
— рейс бир
күн ичинде кандайдыр бир маршрутта акыркы (кезмет) болсо, автобус
толтурулгандыгына карабастан жиберилет.
Автобуста
жүргүнчүлөргө тыюу салынат: тамеки
чегүү, маст абалда жол жүрүү, башка
жүргүнчүлөрдүн кийим-кечесин же обивканы
кирдеткен кийим кийип жүрүү, эшиктин жабылышына тоскоолдук
кылуу же автобус толук токтогунча аларды ачуу, айдоочунун (ээсинин) уруксатысыз
терезелерди ачуу, терезеден сыртка чыгуу, балдарды жана багажды (кол жүк)
отургучтарга коюу, эшиктерди ачуу механизмдерин иштетүү, жол
жүрүп жатканда айдоочунун көңүлүн чачыратуу
жана анын менен сүйлөшүү, курч, кескич, жарылгыч,
уулуу, оңой тутанган, кир, күйдүргүч жана жагымсыз
буюмдарды, кабы жок огнестрелдик куралды, ошондой эле жаныбарларды жана
куштарды ташуу.
Жогорудагы
бузуулуктарга, ошондой эле жүрүм-турум нормаларын бузууга жол
берген жүргүнчүлөрдү айдоочу жана контролдоочу
адам автобустан чыгаруу укугуна ээ.
9. Буйрутманы
жокко чыгаруу
Пайдалануучу
буйрутманы төлөнгөнгө чейин жокко чыгаруу укугуна ээ.
Буйрутма
төлөнгөн болсо, аны жокко чыгаруу мүмкүн эмес.
Мындай учурда ушул Келишимдин шарттарына ылайык билетти кайтаруу жол-жобосу
колдонулат.
Билеттерди
кайтаруу тиешелүү автовокзалдын кассасы аркылуу гана
жүзөгө ашырылат.
10. Билеттерди
кайтаруу
Сатып алынган
билеттер үчүн акча каражаттарын кайтаруу Кыргыз Республикасынын
колдонуудагы мыйзамдарында белгиленген кайтаруу эрежелерине, ошондой эле
Ташуучунун жана/же автовокзалдын ички эрежелерине ылайык
жүзөгө ашырылат.
Билеттерди кайтаруудагы
тартип, мөөнөт жана мүмкүн болгон кармалыштар
Ташуучунун же автовокзалдын ички эрежелери менен аныкталат жана билетти
таризмелөөдө Пайдалануучуга жеткирилет.
Атап айтканда,
билеттерди кайтаруу тартиби Кыргыз Республикасынын 2013-жылдын 23-сентябрындагы
№ 519 токтому менен бекитилген Кыргыз Республикасында автомобиль транспортунда
жүргүнчүлөрдү ташууну уюштуруу эрежелери менен
жөнгө салынат.
11. Аракет
мөөнөтү жана бузуу
11.1. Ушул Оферта
мөөнөтсүз иш кылат.
Ушул Офертанын
шарттарын өзгөртүү «Менин Шаарым» Тиркемесинин «Бекет»
сервисинде жаңы редакцияны жайгаштыруу жолу менен
жүзөгө ашырылат. Өзгөрүүлөр
жарыяланган соң Сервисти колдонуудан улантуу Пайдалануучунун Офертанын
жаңы редакциясына макулдугун билдирет.
11.2. Сервис
администрациясы Пайдалануучу ушул Офертанын шарттарын бузган учурда Сервиске
мүмкүнчүлүктү чектөө, токтотуп туруу
же токтотуу укугуна ээ.
11.3. Ушул
Келишимден же ал менен байланышкан бардык талаш-тартыштар жана келишпестиктер
сүйлөшүү жолу менен чечилет. Даттанма жиберилген учурдан
тартып 30 (отуз) календарлык күн ичинде макулдашууга жетилбесе, талаш
Кыргыз Республикасынын мыйзамдарына ылайык Сервис администрациясынын жайгашкан
жери боюнча сотто каралат.
12. Корутунду
жоболор
Буйрутманы
таризмелөө Пайдалануучунун оферта шарттары менен таанышкандыгын
жана аларды шартсыз кабыл алгандыгын билдирет. Ушул Келишим электрондук формада
түзүлгөн жана жайгаштырылган; электрондук версия Кыргыз
Республикасынын мыйзамдарына ылайык кагаз жүзүндөгү документ
менен бирдей юридикалык күчкө ээ. Буйрутманы таризмелөө
менен Пайдалануучу ушул Келишимди аткаруу жана Сервистин сапатын жакшыртуу
максатында жеке маалыматтарын иштетүүгө да макулдугун берет.
Жеке маалыматтарды иштетүү Кыргыз Республикасынын “Жеке мүнөздөгү
маалымат жөнүндө” Мыйзамына ылайык жүзөгө
ашырылат.